0
Бўстонлиқда шаршарада селфига тушмоқчи бўлган фуқаро қоядан қулаб тушди
Оқибатда, унинг сон суяги синган.
Тошкент вилоятининг Бўстонлиқ туманида бир киши шаршарада селфига тушмоқчи бўлиб, қоядан қулаб тушди. Бу ҳақда Фавқулодда вазиятлар вазирлиги матбуот хизмати хабар берди.
2 май куни соат 15:00 да вилоят фавқулодда вазиятлар бошқармасига Сои Мазор шаршараси чўққисига дам олгани чиққан фуқаро бахтсиз ҳодисага учрагани ҳақида хабар келиб тушган.
Маълум бўлишича, у селфига тушмоқчи бўлганида сирпаниб, баландликдан йиқилиб, оёғи синган.
Воқеа жойига зудлик билан етиб келган қутқарувчилар жабрланувчига биринчи тиббий ёрдам кўрсатиб, тез тиббий ёрдам ходимларига топширган.
Дам олувчига сон суяги синиши ташхиси қўйилган.
