Шу пайтга қадар Украинага қанча молиявий ёрдам берилган?
Мамлакат бош вазири бу тўғрисида маълумот берди.
Ғарб давлатлари февраль охиридан буён Киевга 12 миллиард долларлик ҳарбий ва молиявий ёрдам етказиб берди. Бу ҳақда Украина бош вазири Денис Шмигаль маълум қилди.
"Кенг қамровли уруш ҳаракатлари бошланганидан буён Украина 12 миллиард долларлик қурол кўринишидаги ва молиявий ёрдам қабул қилди", — деган у Варшавадаги Украина учун ёрдам учун донорлик конференциясида.
Шмигаль апрель охирида Вашингтондаги чиқишида яқин истиқболда Киев учун ойига 4-5 миллиард доллар молиявий ёрдам зарурлигини маълум қилганди.
Аввалроқ Германия канцлери Олаф Шольц Украинанинг мағлуб бўлмаслиги кераклигини айтганди.
