Қалбаки АҚШ долларини сўмга айирбошлаган жиноятчилар фош бўлди
Ҳолат юзасидан жиноят иши қўзғатилган
Тошкент шаҳри Яшнобод туманида қалбаки АҚШ долларини банкомат орқали сўмга айирбошлаган фуқаролар ушланди.
Фуқаро С.Ф. ва бошқалар Паркент кўчасида жойлашган АИТБ “Ипак йўли банк” филиалига тегишли банкоматдан қалбаки 2 000 АҚШ долларини сўмга айирбошлаб олишган. Мазкур жиноят Бош прокуратура ҳузуридаги Департаментнинг Яшнобод туман бўлими томонидан Амалиёт бошқармасининг мурожаатига асосан ўтказилган терговга қадар текширувда фош бўлди.
Ҳозирда ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
