АҚШда коронавирус қурбонлари бир миллионга етди – Байден
АҚШ етакчиси буни катта фожиа деб атаган.
Бир миллион америкалик коронавирус қурбонига айланди. Бу ҳақда АҚШ президенти Жозеф Байден маълум қилди.
“Бугун биз фожиали босқичдамиз: COVID-19 бир миллион америкаликнинг ҳаётига зомин бўлди. Тушлик столи атрофида бир миллион бўш стул. Уларнинг ҳар бирининг ўрнини тўлдириб бўлмайди”, – деган Оқ уй раҳбари.
Шу билан бирга Хопкинс университети маълумотларига кўра, АҚШда ҳозирча 998997 ўлим ҳолати қайд этилган. Университет федерал ва маҳаллий ҳокимият, ОАВ ҳамда бошқа очиқ манбаларга асосланиб шу статистикани тақдим этган.
Аввалроқ "омикрон" штамми хавфи ҳақида қўшимча маълумот берилганди.
