0
Зеленский Италия бош вазири билан телефонлашди
Суҳбатда мудофаа соҳасидаги ҳамкорлик муҳокама қилинган.
Украина президенти Владимир Зеленский Италия бош вазири Марио Драги билан телефон орқали мулоқот қилди. Суҳбат Италия томонининг ташаббуси билан бўлиб ўтди.
Киев раҳбарининг айтишича, суҳбат чоғида мудофаа соҳасидаги ҳамкорлик муҳокама қилинган. Европа Иттифоқининг Россия Федерациясига қарши олтинчи санкциялар пакетини тезлаштириш зарурати, Украина портларини блокдан чиқариш масаласи ҳам кўтарилган.
Шунингдек, Зеленский ўз асосий эътиборни жанг майдонидаги вазият ва Украина ғалабасини тезлаштириш масалаларига қаратган. Италия урушни тугатиш бўйича ўз қарашларини таклиф қилган.
