Ягона рақамли фуқаролик паспорти жорий этилиши мумкин
У шахсга оид қатор ҳужжатларни ўз ичига олади.
“Права”, “метрка”, "ЗАГС" ва яна қатор ҳужжатларни ўз ичига оладиган рақамли фуқаролик паспорти жорий этилиши мумкин. Бу ҳақдаги қарор лойиҳаси regulation.gov.uz порталига муҳокамага қўйилди.
Хусусан, паспорт, ҳайдовчилик гувоҳномаси, автотранспорт воситасини рўйхатдан ўтказганлик тўғрисида гувоҳнома, Олий маълумот тўғрисидаги диплом ва талаба тўғрисидаги маълумотлар ҳужжатларни ўз ичига олади.
Бундан ташқари, жисмоний шахс томонидан умумий таълим муассасасини (11-синф негизида) тамомлагани тўғрисида маълумот, коронавирусга қарши эмланганлик ҳолати тўғрисидаги маълумот, кадастр паспорти ҳақида маълумот, туғилганлик ва никоҳ қайд этилганлик ҳақидаги далолатнома маълумотлари ўрин олади.
