Ўзбекистон Сингапурда ўтказиладиган саммитда иштирок этмоқда
Саммит мусулмон туризм бозорини тиклаш ва ривожлантиришга бағишланади.
Жорий йилнинг 31 майидан 2 июнига қадар Сингапурда мусулмон туризм бозорини тиклаш ва ривожлантиришга бағишланган «Halal In Travel – Global Summit 2022» бўлиб ўтади.
Бутун дунёдан сайёҳлик соҳасида чуқур билимга эга 70 дан зиёд мутахассисларни ўзида жамлаган саммитда Ўзбекистондан Бош вазир ўринбосари – Туризм ва маданий мерос вазири Азиз Абдуҳакимов иштирок этади (онлайн форматда). Хусусан, тадбирда Индонезия вице-президенти, Малдив Ороллари туризм вазири ва Малайзия туризм, санъат ва маданият вазири қатнашади.
Саммит якунида «Halal in Travel» мукофоти тақдимоти бўлиб ўтади. Ушбу мукофотлар турли тоифларни қамраб олувчи мусулмонлар ҳаёт тарзидаги саёҳатлар сегментига сезиларли ҳисса қўшган йўналишлар, ташкилотлар, компаниялар ва шахслар кесимида тақдим этилади.
