Москва буғдойни рублда сотмоқчи
Ҳозирда Туркия билан ушбу лойиҳа амалга оширилишига яқин турибди.
Россия ғаллани ҳам рублда сотиши мумкин. ушбу таклиф РФ дон экспортёрлари иттифоқи томонидан берилди.
Бунга сабаб қилиб санкциялар ортидан Ғарб валюталарида пул маблағларини олиш қийинлашгани кўрсатилган. “Коммерсант” хабарига кўра, ҳозирда энг камида Туркия билан ушбу лойиҳа амалга оширилиши кутилмоқда. Анқара Москва билан савдони миллий валюталарда амалга оширишга розилик билдирган.
Россия ғалласининг энг йирик харидорлари Туркия, Миср, Саудия Арабистони ва Эрон ҳисобланади.
Март ойи охирида РФ нефть ва газни рублда сотиш бўйича қарор чиқарганди. Ҳозирда айрим Европа давлатлари шу талаб асосида углеводородларни харид қилмоқда.
Аввалроқ Вашингтон Украинадан дон олиб чиқиш йўлларини қидираётгани тўғрисида хабар берилганди.
