АҚШ Украинадан дон олиб чиқиш йўлларини қидирмоқда
Бу масалада Вашингтон Туркия билан ҳамкорлик ўрнатган.
АҚШ Украинадан буғдой ва маккажўхори донини олиб чиқиш имкониятини кўриб чиқмоқда. Бу ҳақда CNN хабар берди.
Унга кўра, Вашингтон озиқ-овқатнинг қуруқлик, ҳаво ва денгиз орқали олиб чиқишнинг хавфсиз йўлларини қидиряпти. Телеканал маълумотларига кўра, ушбу амалиётда энг муҳим ўрин тутадиган давлатлардан бири Туркия ҳисобланади. Ҳозирда Анқара Россия билан бу масалада музокараларга жалб қилинган.
Қайд этилишича, Украинадан дон маҳсулотларини олиб кетиш АҚШ ташаббуси билан чақирилган БМТ штаб-квартирасида бўлиб ўтадиган конференциянинг асосий мавзуси бўлади. Конференция май ойида бўлиб ўтади. Унда АҚШ давлат котиби Энтони Блинкен ва Туркия ташқи ишлар вазири Мавлуд Чавушўғлу иштирок этиши кутилмоқда.
Аввалроқ Ҳиндистон буғдой экспортини тақиқлаб қўйганди.
