"Тўйда шўхлик қилиб қўйибмиз..."
Андижонда бир нечта ҳайдовчилар "дрифт" уюштиришди.
Уларга нисбатан белгиланган тартибда маъмурий чора кўрилди ва автомашиналар жарима майдончасига қўйилди.
Андижон вилояти Марҳамат туманида 4 нафар шахс йўл ҳаракати қоидаларини қўпол равишда бузган ҳолда автомашинани гуруҳ бўлиб ҳаракатланганлиги акс этган видео ижтимоий тармоққа сиздирилди.
Ушбу ҳолат юзасидан Андижон вилояти ИИБ ЙҲХБ Ахборот хизмати маълумот берди. Унга кўра, суриштирув ишлари олиб борилди ва йўл ҳаракати қоидаларини бузган ҳайдовчиларга нисбатан белгиланган тартибда маъмурий чора кўрилиб, уларнинг транспорт воситалари вақтинчалик сақлаш учун жарима майдончасига жойлаштирилди.
