Актрисадан навбатдаги қўшиқ премьераси
Дилноза Кубаева ўз мухлисларига “Ҳаёт гўзал” номли янги таронасини тақдим этди.
Ўзбек кино ва театр санъатининг ёрқин юлдузи Дилноза Кубаева ўзининг янги клип премьерасини тақдим этди.
Латофатли актриса кино ва театрда роль ижро этиш билан чекланиб қолмади. У бугун, 7 июнь куни янги қўшиқ ва унга ишланган ажойиб клип премьерасини ўзининг Инстаграм саҳифасида мухлислар эътиборига ҳавола қилди.
Қўшиқ сўзлари Дониёр Мирзо қаламига мансуб. Композитор — Ўзбекистонда хизмат кўрсатган маданият ходими Султонали Раҳматов.
Дилноза Кубаеванинг “Ҳаёт гўзал” деб номланган ушбу таронасида севги ва муҳаббат тараннум этилади. Қўшиқ шўх ва ёшларбоп бўлиб, актриса клип олишнинг қизғин жараёнлари ҳақида Инстаграм саҳифасида сториес'лар жойлаб борган эди.
Эслатиб ўтамиз, ушбу тарона Дилноза Кубаеванинг хонанда сифатидаги илк ижод маҳсули эмас. У аввалроқ, 9 май - Хотира ва қадрлааҳ кунига бағишлаб “Элда бўлсин” деб номланган таронани ўз мухлисларга тақдим этган эди.
