0
Андижонда юк ортилган енгил машина пиёдани уриб юборди
Оқибатда у вафот этган.
Жорий йилнинг 14 июнь куни тонги соат 05:00 ларда асли наманганлик бўлган ҳайдовчи К.Х. (2000 йилда туғилган) бошқарувидаги М-412 русумли 60 F 146 BA д.р белгили автомобилини бошқариб кетаётиб, Андижон тумани Жаҳонобод МФЙ ҳудудидан ўтган 4Р112 “Фарғона халқа йўли”нинг 28-километрида пиёда А.Ҳга тан жароҳати етказган. Бу ҳақда “Zamon.uz”нинг вилоятдаги мухбири хабар берди.
Маълум қилинишича, ҳайдовчи енгил машинада дарвоза ортиб кетаётган бўлган.
Пиёда А.Ҳ. (Андижон тумани Заврақ МФЙ Барҳаёт кўчаси 110-уйда яшовчи) автомашинага юкланган дарвозанинг чети тегиб кетиши оқибатида тан жароҳати олиб, туман ШТТЁБга ётқизилган.
Кўрсатилган тиббий муолажаларга қарамасдан пиёда касалхонада вафот этган.
