Ўзбекистонда коронавирус авж олмоқда
Бир суткада 14 та ҳудудда 139 та касаллик юқтириш ҳолати аниқланди.
Ўзбекистонда коронавирус билани касалланишлар сони ортишда давом этмоқда. Кеча, 25 июнь куни 139 кишида инфекция аниқланди. Бу ҳақда Соғлиқни сақлаш вазирлиги матбуот хизмати хабар бермоқда.
Янги касалланиш ҳолатлари Қорақалпоғистон Республикаси (2 та), Андижон (1 та), Бухоро (5 та), Жиззах (6 та), Қашқадарё (17 та), Навоий (4 та), Наманган (4 та), Самарқанд (3 та), Сирдарё (3 та), Сурхондарё (10 та), Фарғона (11 та), Хоразм (4 та), Тошкент (13 та) вилоятларида, шунингдек, пойтахтда (56 та) қайд этилган.
Коронавирус касалликка чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Шунингдек, кеча кун давомида Қашқадарё (3 нафар), Фарғона (1 нафар), Тошкент (6 нафар) вилоятларида ва пойтахтда (15 нафар) жами 25 нафар бемор тузалиб, касалликдан соғайганлар кўрсаткичи 99 фоизни ташкил этмоқда.
Жавоҳирбек ТУРСУНОВ
