COVID–19 қайта авж олмоқда
Сўнгги бир ҳафта ичида дунёда коронавирус билан касалланиш 18 фоизга ошди.
Жаҳон соғлиқни сақлаш ташкилотининг ҳафталик эпидемиологик бюллетенига кўра, сўнгги бир ҳафта ичида дунёда коронавирус билан касалланиш 18 фоизга ошди.
Ҳафта давомида коронавирус билан касалланиш Шарқий Ўртаер денгизи минтақасида 47, Европада 33, Жануби-Шарқий Осиёда 32 ва Америкада 14 фоизга ошган.
Бир ҳафта ичида бутун дунё бўйлаб 4,1 миллиондан ортиқ коронавирусга чалиниш ҳолати аниқланди. Шунингдек, инфекциядан ўлим ҳолати Шарқий Ўртаер денгизи минтақасида 22, Жануби-Шарқий Осиёда 15 ва Америкада 11 фоизга ошган.
Умуман олганда, бутун дунё бўйлаб бир ҳафта ичида коронавирус туфайли 8,5 мингга яқин ўлим қайд этилди.
