Фарғонадаги ЙТҲда 3 нафар йигит ҳалок бўлди
Улар ҳайдовчилик гувоҳномасисиз автомобиль бошқарган.
17 ёшли йигит ҳайдовчилик гувоҳномасисиз Nexia’ни бошқариши оқибатида дарахтга бориб урилган ва автоҳалокат содир этган. Яна 3 нафар шу ёшдаги йўловчи касалхонага ётқизилган.
Маълум бўлишича, Фарғона вилояти Бағдод тумани ҳудудидаги йўлда шу туманнинг Бекобод қишлоғида яшовчи ҳайдовчилик гувоҳномасига эга бўлмаган 2005 йилда туғилган ҳайдовчи Nexia автомобилини бошқариб кетаётиб, қарама-қарши йўналишга чиқиб кетган. Натижада, машина йўл четидаги дарахтга бориб урилган.
Автоҳалокат оқибатида ҳайдовчи ва машинада бўлган 2004 ва 2005 йилда туғилган икки нафар йўловчи вафот этган.
Шунингдек, автомобиль салонида бўлган 2004 йилда туғилган йўловчи чап оёқ синиши тан жароҳати билан, 2005 йилда туғилган яна бир йўловчининг ўнг оёқ синиши тан жароҳати билан касалхонага ётқизилгани айтилмоқда.
2004 йилда туғилган йўловчи эса бош мия жароҳати билан шифохонага етказилган.
