Туркия коронавирус чекловларини кучайтириши мумкин
Мамлакат аҳолиси бир ойга яқин чекловларсиз яшади.
Июль ойи бошида CОVID-19 билан касалланишнинг кўпайиши муносабати билан бир қатор давлатлар расмийлари коронавирус чекловларини қайтадан жорий қилмоқда.
CОVID-19 тарқалишининг олдини олиш бўйича идоралараро комиссия маълумотларига кўра, 7 июлдан бошлаб Қатарда маҳаллий аҳоли ва сайёҳлар ёпиқ жойларда ва транспорт воситаларида ниқоб тақишлари шарт.
Ҳукумат ёпиқ жамоат жойларида мажбурий ниқоб тақишни фақат 21 май куни тўхтатди. 8 июлдан бошлаб Кипрда ҳам худди шундай талаблар қўлланилмоқда.
«Ниқобларни 12 ёшдан ошган барча фуқаролар тақишлари шарт», — деди мамлакат Соғлиқни сақлаш вазири Михалис Хадзипанделас.
У барча эпидемиологик кўрсаткичлар билан янги қоидаларнинг киритилиши ва охирги кунларда коронавирус билан касалланган беморларнинг касалхонага ётқизилиши кўпайганлиги сабабини тушунтирди.
Туркияда Тиббиёт ассоциацияси (ТТB) ҳукуматни мажбурий ниқоб тақишни қайтадан жорий этишга чақирди.
«CОVID-19» билан касалланганлар сони ортиб бормоқда. Эмлашни болалардан бошлаш керак, барчани ёпиқ жойларда ниқоб тақишга мажбурлаш, таҳлиллар сонини кўпайтириш, уларнинг натижалари ҳақида ҳар куни маълумот алмашиш зарур», – деди тиббиёт жамоатчилиги вакиллари.
