Гулистонда концелярия дўкони ёниб кетди
Оқибатда бино ичидаги ўқув қуролларига зарар етган.
Кеча, 26 июль куни Сирдарё вилояти Гулистон шаҳридаги савдо дўконларидан бирида ёнғин юз берди. Ҳолат юзасидан вилоят Фавқулодда вазиятлар бошқармаси Матбуот хизмати расмий маълумот берди.
Қайд этилишича, соат 21:40 да Гулистан шаҳар “Бўстон” МФЙ Шодлик кўчасида жойлашган савдо дўконида ёнғин юзага келган. Воқеа жойига 2 та ёнғин-қутқарув экипажлари соат 21:42 да етиб бориб, ёнғин соат 22:25 да тўлиқ ўчирилган.
Ҳодиса оқибатида инсонларнинг тан жароҳати олиши ва ҳалок бўлиш ҳолатлари кузатилмаган. Савдо дўконининг 75 квадрат метр майдонидаги том-шифт қисми ҳамда дўкон ичида бўлган ўқув қуроллари ёнган.
Ҳозирда ёнғин сабаби ва моддий зарар миқдори аниқланмоқда.
