“Мени камситгани учун ўч олдим”
Бухоролик йигит аламидан чиқишнинг антиқа йўлини топди.
Жорий йилнинг 3 август куни тунги соат 03.30 ларда Бухоро вилояти ИИБ томонидан “Матиз” автомашинаси ўғирлангани ҳақида хабар берилди.
Суриштирувлар натижасида ўғирлик Бухоро шаҳридаги автомобилларни ювиш шохобчаси ишчиси Л.З. томонидан амалга оширилгани маълум бўлди.
“Уйдан чиқиб кетганимга 1 ой бўлди, – дейди Л.З. — Бухоро шаҳрида машиналарни ювиш шохобчасида ишлаб келдим. Лекин шохобча эгаси маст ҳолда мени тез-тез камситиб келгани боис ундан ўч олиш мақсадида машинасини олиб қочдим, лекин узоққа боролмадим”.
Ўғирланган автомашина бугун соат 12.30 лар чамасида Қарши шаҳар Ислом Каримов кўчаси ва Амир Темур кўчалари кесишган чорраҳасида ҳаракатланаётгани аниқланиб, шаҳар марказий деҳқон бозори рўпарасида вилоят ЙҲХБ ходимлари томонидан ушланди.
