Қашқадарёлик спортчи каналдан ўлик ҳолда топилди
Марҳумнинг акаси укаси ўлдирилган бўлиши мумкинлигини айтмоқда.
Қарши шаҳрида 23 ёшли спортчининг сувдан ўлик ҳолда топилгани маълум қилинди. Марҳумнинг акаси укаси ўлдирилган бўлиши мумкин дея, гумон қилмоқда. Спортчи йилнинг 14 июль куни Қарши магистраль каналидан акаси томонидан топилган.
"Укамни ғаввослар тополмагач, ўзим ва қариндошлар, ошна-оғайниларим бирикиб яна сувдан изладик ва 14 июль куни топдик. Сувдан чиққанда укамнинг жасади шишиб кетган эди. Тўғри, икки-уч кун сувдан қолган, шишади. Аммо укамда калтак излари ҳам бор эдида. Қолаверса, у сувга шунчаки чўкиб кетмайди. Ҳолсизликдан ёки калтакланиб, соғлиғига зарар етганидан сўнг чўкиб кетган бўлиши мумкин", — дейди марҳумнинг акаси Дилшод Каримов.
