Миллий гвардия матбуот хизматининг хабар беришича, «Magic City»да сураткаш бошқа бир ҳамкасбини пичоқлаб қўйди.  

 

Жиноят содир этилишига 6 август куни кечқурун «Magic City»да фаолият юритаётган икки сураткаш ўртасида юзага келган жанжал сабаб бўлган. Оқибатда Қашқадарё вилоятида истиқомат қилувчи 20 ёшли фуқаро Ш.Д. ҳамкасби 25 ёшли Ҳ. К.га ўткир тиғли ошхона пичоғи билан жароҳат етказган.

 

Воқеа жойига етиб келган Ички ишлар органи ходимларига фуқаро Ш.Д. томонидан қаттиқ қаршилик кўрсатилган. Шундан сўнг, ходимлар Миллий гвардия ҳарбий хизматчиларини ёрдамга чақирган ва фуқаро қўлга олинган.

 

Жароҳатланган фуқаро Ҳ.К.га тиббий ёрдам кўрсатилган ва ҳозирда унинг саломатлиги қониқарли экани айтилмоқда.

 

Ҳуқуқбузарга нисбатан Маъмурий жавобгарлик тўғрисидаги кодекснинг 183-(майда безорилик) ва 194-моддалари (ички ишлар органлари ходимининг қонуний талабларини бажармаслик) моддалари бўйича жазо тури қўлланилган.