Тошкентда тунда ҳам ёнғин бўлди
Яшнобод туманида атир-упа савдо дўкони ва ва унга туташ бўлган 2 та МЧЖ ёниб зарарланган.
ФВВнинг маълум қилишича, ёнғин 18 август куни соат 1:57 да Тошкент шаҳар Яшнобод тумани “Ватандош” МФЙ Тузел 2-даҳасида жойлашган кўп қаватли уйнинг 1-қаватида атир-упа савдо дўконида содир бўлган. Дўконнинг 35 кв.м ва унига туташ бўлган 2 та МЧЖнинг 15 кв.м майдонда офис учун мўлжалланган хона жиҳозлари ёниб зарарланган.
Ёнғинни бартараф этишга 4 та ёнғин-қутқарув экипажи ва 1 та автонарвон жалб этилган. Экипажлар ҳодиса жойига соат 01:59 да етиб борган ва ёнғин соат 02:10 да ўчирилган.
Қутқарувчиларнинг тезкор ҳаракатлари натижасида савдо дўконининг 60 кв.м. майдони, МЧЖларнинг 90 кв.м. майдони ёнғиндан сақлаб қолинган.
Ёнғин оқибатида фуқароларни тан жароҳати олиш ва ҳалок бўлиш ҳолатлари йўқ.
Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда.
