Аёл боғчада эри томонидан дўппосланди
Ҳодиса болалар кўз ўнгида, Тошкент вилоятининг Қуйи Чирчиқ туманида содир бўлган.
Ижтимоий тармоқларда фуқаро рашк сабаб хотинини боғча болалари олдида бўғиб, аёвсиз калтакланаётгани акс этган видеохабар тарқалди.
Маълум бўлишича, эр рашк сабаб хотини ишлайдиган хусусий боғчага бориб, жанжал кўтарган ва болалар кўз ўнгида аёлини бўғиб, калтаклаган. Тасвирда болалар бу ҳолатдан қўрқиб кетиб йиғлаётганини кўриш мумкин.
Тошкент шаҳар ИИББ Матбуот котибининг маълум қилишича, мазкур ҳолат юзасидан ҳудудий ИИБ томонидан терговга қадар текшириш ҳаракатлари олиб борилмоқда.
