0
Намангандаги «заправка»да «Зил»да ёниб кетди
Ёнғин ўт ўчириш экипажи ёрдамида бартараф этилган.
Наманган вилояти Фавқулодда вазиятлар бошқармаси Чуст туманида «Зил» юк машинаси ёниб кетгани айтилган хабарларга муносабат билдирди.
Ижтимоий тармоқларда Чуст туманида жойлашган газ қуйиш шохобчаларидан бирида «Зил» машинаси ёниб кетгани тасвирланган видео тарқалди.
Маълум қилинишича, 31 август куни 12:17 ларда Чуст тумани «Лайлакйўл» МФЙ ҳудудида жойлашган автомобилларга газ қуйиш шохобчасида ёнғин содир бўлаётгани ҳақида хабар келиб тушган. Қутқарувчилар воқеа жойига етиб келганда «Газ-53» автомобилининг кабина қисмида ёнғин юзага келгани аниқланган.
«Ёнғин келтирган зарар ва унинг келиб чиқиш сабаби аниқланмоқда. Куйган ва тан жароҳати олганлар йўқ», — дейди масъул.
