Элликқалъадаги қизлар жанжалига нима сабаб бўлганди?

 

Аввалроқ Қорақалпоғистон Республикасининг Элликқалъа туманида қизларнинг жанжаллашгани ҳақида хабар берилганди. Ҳолат юзасидан туман ҳокимлиги расмий муносабат билдириб, ҳодисага нима сабаб бўлганини маълум қилди.

 

Аниқланишича, Элликқалъа туманида яшовчи 2005 йилда туғилган вояга этмаган фуқаро Ш.Л. 2002 йилда туғилган фуқаро Б.З.нинг номидан Инстаграм тармоғида аккаунт очиб, унинг номидан кириб юрган. Шу сабабли улар орасида жанжал келиб чиққан. 

 

Мазкур ҳолат Қорақалпоғистон Республикаси Оила ва хотин-қизлар қўмитаси раиси М.Аҳмедова, Қорақалпоғистон Республикаси ИИВ Ҳуқуқбузарликлар профилактикаси бошқарма бошлиғи ўринбосари Т.Қарлибаева томонидан атрофлича ўрганиб чиқилган. Шунингдек, маҳалла ходимлари билан биргаликда воқеа иштирокчилари ҳамда уларнинг ота-оналарига тушунтириш тарғибот ишлари олиб борилган. 

 

Жанжал юзасидан Элликқалъа туман ИИБ ҳузуридаги Тергов гуруҳи томонидан терговга қадар суриштирув ишлари давом этмоқда.