Тошкентда янги автобус йўналиши йўлга қўйилди
Автобуслар “Маҳаллий ҳаво йўллари аэропорти-3 — Электроаппарат ИЧБ” йўналиши бўйича ҳаракатланади.
Пойтахтда бугундан янги автобус йўналиши йўлга қўйилди. Бу ҳақида “Тошшаҳартрансхизмат” хабар берди.
Тошкентда 137-сонли “Маҳаллий ҳаво йўллари Аэропорти-3 – Электроаппарат ИЧБ” янги автобус йўналиши ҳаракати ташкил этилди.
Унга кўра, йўналиш ҳаракати тўғри йўналишда “Маҳаллий ҳаво йўллари Аэропорти-3” бекатидан ТҲАЙ, Қўшқўрғон, Қўшқўрғон 2-тор, Янги Қўйлиқ, Файзобод 1-тор, Бешкент, Эски Отчопар, Фарғона йўли кўчалари орқали “Электроаппарат ИЧБ” бекатига қадар ҳаракатланади.
Автобуслар қайтиш йўналишда “Электроаппарат ИЧБ” бекатидан Фарғона йўли, Эски Отчопар, Бешкент, Файзобод 1-тор, Янги Қўйлиқ, Қўшқўрғон 2-тор, Қўшқўрғон, ТҲАЙ, Қумариқ кўчалари орқали “Маҳаллий ҳаво йўллари Аеропорти-3” бекатига қадар ҳаракатланади.
Маскур йўналишдаги автобуслар соат 6:00 дан 21:30 гача ўз фаолиятини олиб боради.
Йўналишдаги жадваллар сони ISUZU русумли автобуслар асосида иш кунларига 4 та, шанба кунларига 3 та, ва якшанба кунларига 2 та этиб белгиланган.
Маълумот учун, янги йўналиш жамоат транспорти тизимини унинг барча турларини узвий боғлаган ҳолда комплекс ривожлантириш, аҳолининг жамоат транспортидан фойдаланиш даражасини ошириш мақсадида йўлга қўйилди.
