Тошкентда салкам 60 туп дарахт кесиб ташланди
Бу орқали ўсимлик дунёсига қарийб 800 млн сўм зарар етказилгани айтилмоқда.
Тошкент шаҳар Чилонзор тумани Чилонзор кўчасида “DREAM HOUSE STROY” номли МЧЖга тегишли ер майдонидаги жами 58 дона ҳар ҳил турдаги манзарали ва мевали дарахтлар илдиз қисмлари билан қўпориб ташланганлиги аниқланди. Бу Давлат экология қўмитаси ўтказган текширувда маълум бўлди.
Дарахтларни муҳофаза қилиш ва сақлашга доир қонунчиликда белгиланган чораларни кўрмаганлиги натижасида ўсимлик дунёсига жами 797 млн 700 минг сўм миқдорида зарар етказилган.
МЖтКнинг 1976-моддаси, ЖКнинг 198-моддасига асосан жавобгарликка тортиш масаласини кўриб чиқиш учун тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
