Фарғона вилояти ИИБ ахборот хизмати хабарига кўра, ўзганинг пластик картасидан 6,5 миллион сўмни ечиб олган шахсга нисбатан жиноят иши қўзғатилди.

 

Аниқланишича, 4 август куни М.С. исмли фуқаро Telegram орқали вояга етмаган фарзандлари бўлса, моддий ёрдам берилишини айтиб, фуқаро Ф.З.нинг ишончига кирган.

 

Бунинг учун гуруҳга пластик карта рақамини юбориши ҳақида ёлғон хабар жўнатиб, тегишли банк томонидан берилган пластик карта рақамини кўлга киритган ва карта ҳисобида бўлган жами 6 миллион 582 минг сўм пулларини фирибгарлик йўли билан ечиб олган.

 

Ушбу ҳолат юзасидан Фарғона тумани ИИБ ҳузуридаги тергов бўлими томонидан Жиноят кодексининг 168-моддаси 2-қисми «в» банди (Фирибгарлик) билан жинояти иши қўзғатилган.