0
Тошкентда автобус ёниб кетди
Уни ўчиришга 2 та ёнғин-қутқарув экипажи жалб қилинган.
Бугун, 14 сентябрь куни соат 09:02 да пойтахтнинг Мирзо Улуғбек туманидаги М.Улуғбек ва Дўрмон йўли кўчалари чорраҳасида ҳаракатланиб кетаётган “Mercedes-Benz” русумли автобусда ёнғин содир бўлган.
Натижада, автобуснинг мотор қисми ёниб зарарланган. Ҳодиса оқибатида тан жароҳати олган ва ҳалок бўлган фуқаролар йўқ.
2 та ёнғин-қутқарув экипажи соат 09:05 да ёнғинга етиб борган ва соат 09:08 да бартараф этилган.
