Бурак Ўзчивитнинг такаббурлиги қимматга тушди
"Севги изтироби" сериалининг бош қаҳрамонларидан бири Камол ролини ижро этган турк актёри жаримага тортилди.
Бурак Ўзчивит — машҳур турк актёрининг доимий равишда жанжалларга ўралашиши натижасида обрўсига жиддий путур етмоқда. Шундай ҳолатларнинг бирида иш судгача етиб борган.
Milliyet нашрининг ёзишича, ўтган йилнинг ноябрь ойида навбатдаги сериални суратга олишда иштирок этган бир неча ижодкорлар санъаткор устидан судга мурожаат қилишган.
Жабрланганларнинг сўзларига кўра, актёр ўзини тажовузкор тутган, одобсизларча уларни ҳақорат қилган ва зўравонлик билан таҳдид қилган.
Актёр тўрт йилга қамалиши мумкин эди, бироқ суд прокурорнинг талабини рад этди. Ўзчивит жарима билан қутулди.
