Италия элчихонаси ўз фуқароларини Россияни тарк этишга чақирди
Аввалроқ АҚШ ва Латвия фуқароларига мурожаат билан чиққанди.
Италиянинг Москвадаги элчихонаси ўз фуқароларига мамлакатни такр этишни тавсия қилди. Бу ҳақда элчихона расмий сайтида хабар берилди.
“Россия билан хорижий давлатлар ўртасидаги транспорт алоқалари билан боғлиқ қийинчиликларни ҳисобга олиб, Россиядаги ватандошларга зарурат бўлмаса, мамлакатни тарк этиш тавсия қилинади”, — дейилади хабарда.
Таъкидланишича, Россиядан Италия ва бошқа мамлакатларга саёҳат чипталар нархи ошиб бормоқда, шунинг учун уларни олдиндан харид қилиши зарур.
