Маймунчечак чекинмоқда
Касалланиш даражаси қарийб 21% га тушган.
ЖССТ бош директори Тедрос Аданом Гебрейесус сўнгги 8 ҳафтада маймунчечак билан касалланиш ҳолатлари камайганини эълон қилди.
Аммо айрим давлатларда бу кўрсаткич юқорилигича қолаётганини ҳам таъкидланди. Бош директорнинг сўзларига кўра, "баъзи мамлакатларда касаллик алангаси ҳали чўққисида турибди".
Бу давлатлар қаторига 4 та ўлим ҳолати қайд этилган Гана ҳам киради.
Гебрейесус барча давлатларда маймунчечакка қарши вакцина ва дори-дармонлар борлигини билдирди.
ЖССТ ҳисоботига кўра, 16 октябрь ҳолатига 109 мамлакатда 73 437 та маймунчечак билан касалланиш ҳолати қайд этилган, 29 киши касаллик қурбони бўлган. 10 октябрдан бери бир ҳафтада 2 167та янги ҳолат учраган, бу олдинги ҳафтага нисбатан 20,6% кам.
Олдинроқ ЖССТ маймунчечак эпидемияси қачон тугашини айтганди.
