«Қамчиқ» довонида автомобиллар учун назорат тарозиси ўрнатилди
Ҳайдовчилардан оғир вазнли юкларни автомобил транспортида ташишда юк оғирлиги меъёрини сақлаган ҳолда ҳаракат қилиш сўралмоқда.
«Қамчиқ» довонида автомобиллар учун назорат тарозиси ўрнатилди. Бу ҳақда Наманган вилояти ИИБ ЙҲХБ маълум қилди.
Унга кўра, А-373 «М-39 автомобил йўли-Гулистон-Бўка-Ангрен-Қўқон ва Андижон орқали – Ўш» автомобиль йўлининг «Қамчиқ» довони қисмидан ўтаётган автомобилларнинг йўл ўқига тушаётган оғирликни назорат қилиш учун ушбу йўлнинг 273-километрида автомобилларнинг оғирликларини ўлчаш ускуналари билан жиҳозланган назорат пункти ташкил қилинди.
Мазкур назорат пункти 2022 йил 1 ноябрь куни соат 00:00 дан иш фаолиятини бошлади.
Вилоят ИИВ ЙҲХБ ҳайдовчиларни огоҳлантириб, улардан оғир вазнли юкларни автомобил транспортида ташишда юк оғирлиги меъёрини сақлаган ҳолда ҳаракат қилишларини сўрамоқда.
