“Қамчиқ” довони ёпилдими?
Бу бўйича ФВВ маълумот берди.
Ижтимоий тармоқларда "Қамчиқ" довони ёпилгани ҳақида хабарлар тарқалмоқда. Ҳолат юзасидан Фавқулодда вазиятлар вазирлиги маълумот берди.
Қайд этилишича, айни дақиқаларда "Қамчиқ" довонида вазирлик йўлни қордан тозалаш ва музламалар ҳосил бўлишининг олдини олиш, қум-туз аралашмасини сепиш ишларини мувофиқлаштириб бормоқда. Довон йўли автомобиллар ҳаракати учун очиқ ва икки томонлама ҳаракат давом этмоқда.
Шу ўринда, Фавқулодда вазиятлар вазирлиги довон ҳудудида ҳаракатланишда ҳайдовчилардан барча хавфсизлик чораларини кўришларини сўраган.
