Тошкентда 12 ёшли қиз ўзини осиб қўйди
Ҳозирда Прокуратура томонидан терговга қадар текширув ишлари олиб борилмоқда.
Тошкент шаҳрида 7-синф ўқувчиси ўзини осиб қўйди.
Маълум бўлишича, 28 ноябрь куни Тошкент шаҳри Мирзо Улуғбек туманидаги мактаблардан бирининг 7-синф ўқувчиси бўлган 12 ёшли қиз ўзини ҳовлисидаги дарахтга осиб, жонига қасд қилган.
Суд-тиббий экспертизасининг дастлабки хулосасига кўра, марҳуманинг ўлими “бўйин аъзоларининг сиртмоқ билан тиқилишидан келиб чиққан механик асфикция” натижасида юзага келган.
Ҳозирда мазкур ҳолат юзасидан Мирзо Улуғбек туман прокуратураси томонидан терговга қадар текширув ишлари олиб борилмоқда.
