Тошкентдаги "квартира"лардан бирида ёнғин содир бўлди
Ҳалок бўлган ва жиддий жароҳатланган фуқаролар ҳақида маълумот берилди.
Тошкент шаҳри Янгиҳаёт туманида кўп қаватли тураржой биноларидан бирида ёнғин чиқди.
Қайд этилишича, 5 декабрь соат 20:08 да Янгиҳаёт туман ИИО ФМБ Навбатчилик қисмига Янгиҳаёт тумани, Йўлдош-6 даҳаси 25-уйда ёнғин содир бўлгани тўғрисида хабар келиб тушган. Ушбу уйнинг 11-хонадонида истиқомат қилиб келган икки нафар фуқаронинг ҳалок бўлгани аниқланган.
Йўлдош-6 даҳасидаги 25-уй 2-қаватдан, 2 та йўлак ва 12 та хонадондан иборат бўлиб, ушбу уйнинг умумий майдони 300 метр квадратни ташкил этади, ёнғин натижасида унинг 80 метр квадрат майдони ёнғиндан шикаст кўрган.
Ҳодиса содир содир бўлган жойга ФВВ Ёнғин хавфсизлиги ходимлари етиб келиб ўз вақтида ёнғин ўчирилган. Ёнғин содир бўлган вақтда ушбу уйда истиқомат қилувчи 9 нафар фуқаро ўз вақтида эвакувация қилинган.
Ёнғин натижасида шикаст етказилган хонадон эгалари вақтинчалик Тошкент индекс савдо мажмуасидаги ётоқхонага жойлаштирилган. Ҳозирда содир бўлган ёнғинни келиб чиқиши ва шу билан боғлиқ бошқа ҳолатларни ўрганиш борасида терговга қадар текширув ҳаракатлари олиб борилмоқда.
