Маҳаллий йўналишларда қўшимча поездлар ҳаракати йўлга қўйилади

 

Маҳаллий йўналишларда қўшимча поездлар ҳаракати йўлга қўйилади. Бу ҳақда "Ўзтемирйўлйўловчи" хабар берди.

 

Янги йил байрами муносабати билан йўловчиларни ташишни ташкил қилиш мақсадида “Тошкент – Термиз – Тошкент” йўналишида қўшимча поезд қатновлари йўлга қўйилади.

 

Мазкур йўналишда 17 декабридан 2023 йилнинг 15 январига қадар қўшимча 24та рейс амалга оширилади.

 

Поездлар қуйидаги жадвал асосида ҳаракатланади:

17-19-21-24-26-28 декабрь кунлари ҳамда 2023 йилнинг 2-4-7-9-11-14 январь кунлари 158-сонли “Тошкент – Термиз” йўналишидаги поезд қатнови: Тошкент 21:42 – Термиз 11:41;

18-20-22-25-27-29 декабрь кунлари ҳамда 2023 йилнинг 3-5-8-10-12-15 январь кунлари 157-сонли “Термиз - Тошкент” йўналишидаги поезд қатнови: Термиз 15:10 – Тошкент 05:42;

 

Шунингдек, “Тошкент — Андижон — Тошкент” йўналишида қўшимча қатновлар йўлга қўйилди.

 

“Янги йил байрами” муносабати билан йўловчиларни ташишни ташкил қилиш мақсадида “Тошкент — Андижон — Тошкент” йўналишида 15-22-29-декабрь кунлари ва 5-12-19-26-январ кунлари қўшимча қатновлар йўлга қўйилди.

 

Поездлар қуйидаги жадвал асосида ҳаракатланади:

60-сонли “Тошкент — Андижон” йўналиши: Тошкент 07:55 — Андижон 13:46;

59-сонли “Андижон — Тошкент” йўналиши: Андижон 16:00 — Тошкент 21:45;

Чипталарни темир йўл чиптахоналари ҳамда chipta.railway.uz сайти орқали электрон тарзда харид қилиш мумкин.