COVID–19 инсон миясини қаритиши мумкин
Мутахассислар бу бўйича тадқиқот ўтказди.
Гарвард университети мутахассислари COVID–19 вирусига чалинган ва чалинмаган инсонлардан иборат 54 кишилик гуруҳда текширув ўтказди. Бу ҳақда “Янги Ўзбекистон” нашри ёзмоқда.
Отопсиялар натижасида касалликнинг мияда кўрсатган таъсирлари қаришга ўхшашлиги кузатилган. Тадқиқот муаллифлари, ўз ишларини COVID-19’ни мия қаришининг молекуляр ишораларига боғлаган илк тадқиқот эканлигини маълум қилди.
“COVID-19 сабабли ўлган беморларнинг мия тўқимасидаги генлар ифодасининг, инфекция юқтирмаган 71 ва ундан юқори ёшлилардагига жуда ҳам ўхшашлигини кузатдик”, — дея таъкидлади мутахассис Жонатан Ли.
Кўнгиллилар гуруҳи COVID-19'нинг оғир шаклидаги 21 киши, асемптоматик кўринишидаги 1 киши ва умуман инфекция юқтирмаган 22 кишидан иборат бўлди. Префронтал кортекс намуналарини РНК кетма-кетлик технологияси билан текширган олимлар, COVID-19'нинг оғир кўринишини бошдан кечирган беморларда қариш билан боғлиқ генетик ифодасида ортиш юзага келганини гувоҳи бўлди.
Тадқиқот натижаларига кўра, иммунитет билан боғлиқ ген ифодаси COVID-19'нинг оғир кўринишидаги беморларда кексаларда бўлгани каби камаяди. Шунингдек, синаптик фаоллик, когнитив функциялар ва хотира билан боғлиқ генларнинг ифодасида кексалардаги каби камайиш кузатилган.
“ДНК зарарланишига ҳужайравий жавоб, митоходриал функция, стресс ва оксидатив стрессга жавобни тартибга солиши, везикуляр транспорт, калций мувозанати ва аввалроқ мия қаришига боғлиқ деб қаралган инсулин сигнализацияси/секрецияси йўлларида муҳим алоқаларни кузатдик”, — дейилади тадқиқот мақоласида.
