Наманганда ЙПХ ходими машинада “ухлаб ётиб пул топаётгани” айтилди
Ҳолатга вилоят ЙҲХБ расмий изоҳ берди.
Ижтимоий тармоқларда Наманган вилоятининг Поп туманида ЙПХ инспектори хизмат вақтида ухлаётгани, машина ичига ўрнатилган мультирадар орқали қоидабузарликларни ёзаётгани айтилган видео тарқалди. Ҳолат юзасидан вилоят ЙҲХБ расмий муносабат юилдирди.
Қайд этилишича, 17 декабрь куни икки нафар инспектор Поп туманидаги автомобилларга газ тўлдириш шохобчасига бириктирилган. Ходимларнинг бири ташқарида хизмат ўтаётган вақтда иккинчиси шахсий автомашинасида дам олаётган ҳолати номаълум шахс томонидан тасвирга олиб тарқатиб юборилган.
“Қоидабузарликларни қайд этувчи қурилма деб кўрсатилган восита эса профилактик мақсадда ходимнинг шахсий автомашинасида хизмат олиб бориш жараёнида ўрнатилган кузатув воситаси бўлиб, қоидабузарликларни қайд этмайди. Ҳозирда ҳолат юзасидан хизмат текшируви тайинланган”, — дейилади хабарда.
