ИИВ: Ис гази қурбонлари 150 нафарга етди
Вазирлик ёқилғидан фойдаланишда хавфсизлик қоидаларига риоя этишни сўрамоқда.
Жорий йил бошидан буён Ўзбекистонда 90 дан ортиқ ис газидан заҳарланиш ҳолати қайд этилган. Бу ҳақда ИИВ матбуот хизмати хабар берди.
Департаментда қайд этилганидек, бунинг оқибатида 146 нафар ўзбекистонлик ҳалок бўлган, яна 50 нафар ватандошимиз жароҳатланган.
Ички ишлар вазирлиги кўмир, ўтин, нефть маҳсулотлари ва бошқа турдаги ёқилғидан фойдаланишда хавфсизлик қоидаларига қатъий риоя қилишга чақирган. Ностандарт ёки сертификатланмаган иситгич ва печлардан фойдаланманг, дейилади хабарда.
