0
Намангандаги автомобиль устахонасида Labo ёниб кетди
Ҳолат бўйича вилоят ФВБ маълумот берди.
Бугун, 26 декабрь куни Наманган вилоятининг Чортоқ туманидаги устахонада ёнғин чиқди. Ҳолат бўйича вилоят Фавқулодда вазиятлар бошқармаси маълумот берди.
Қайд этилишича, соат 15:26 да ФВБ 101 қисқа рақамига туманнинг “Боғ” МФЙ ҳудудида жойлашган якка тартибдаги тадбиркорга қарашли устахонада ёнғин содир бўлаётгани ҳақида хабар келиб тушган. Ёнғин қутқарувчилар томонидан соат 15:45 да тўлиқ бартараф этилган.
Ҳодиса оқибатида куйиб тан жароҳати олганлар йўқ. Бинонинг шифт ва том қисмидан 20 квадрат метр жойи, устахонада таъмирлашда бўлган Labo русумли автомобилнинг мотор ҳамда салон қисми ёниб зарарланган.
Ҳозирда ҳолаь юзасидан терговга қадар суриштирув ишлари олиб борилмоқда.
