Наманганда 6 киши ис газидан заҳарланди
Ҳолат бўйича вилоят ФВБ маълумот берди.
Бугун, 29 декабрь куни Наманган вилоятининг Чуст туманида 6 киши ис газидан заҳарланди. Бу ҳақда вилоят Фавқулодда вазиятлар бошқармасихабар қилмоқда.
Қайд этилишича, Чуст тумани «Варзигон» МФЙ ҳудудидаги хонадонларнинг бирида уй эгаси, турмуш ўртоғи ва 4 нафар фарзанди ис газидан заҳарланиш оқибатида туман тез тиббий ёрдамга мурожаат қилган. Ҳозирда фуқароларнинг соғлиғи яхши.
“Ҳурматли фуқаролар, қиш мавсумида иситиш печларидан белгиланган қоида асосида фойдаланинг”, — дейилади хабарда.
