Наманганда 4 та хонадон ёниб кетди
ФВБ ёнғин сабабларини маълум қилди.
Наманган вилоятида 14–15 январь кунлари 4 та хонадонда ёнғин чиқди. Бу ҳақда Фавқулодда вазиятлар бошқармаси хабар бермоқда.
Қайд этилишича, 14 январь куни Чортоқ тумани “Комиллик” МФЙ худудида, Давлатобод тумани “Нуробод” МФЙ худудида ва Уйчи тумани “Обод” МФЙ худудидаги хонадаонларда ёнғин юз берган. 15 январь куни соат 06:04 да Поп тумани “Гузар” МФЙ худудида жойлашган уйда ёнғин чиққан.
Содир бўлган ёнғинлар ФВБ ходимлари томонидан бартараф этилган. Ёнғинга аксарият ҳолларда хонани иситиш мақсадида фойдаланилаётган газ, ўтин, кўмир ва бошқа ёқилғиларни узоқ вақт назоратсиз қолдирилиши сабаб бўлган.
Ҳодиса оқибатида куйиб тан жароҳати олган ва ҳалок бўлганлар йўқ. Ҳозирда содир бўлган ёнғинлар юзасидан терговга қадар суриштирув ишлари олиб борилмоқда.
