Норин дарёсида дамба қулаб тушгани айтилмоқда
Ҳолат юзасидан расмий изоҳ берилди.
Ижтимоий тармоқда Наманган вилоятининг Норин туманида дарё дамбаси қулаб тушгани ҳақида хабарлар тарқалди. Ҳолатга вилоят ФВБ муносабат билдирди.
Маълум қилинишича, Норин дарёсининг чап қирғоғини емирилиши оқибатини бартараф этиш жараёнлари бошланган.
“Жараён тўлиқ назоратга олинган. Фавқулодда вазиятлар бошқармаси ҳамда фавқулодда вазиятларда давлат қуйи тизимлари жалб қилинган, ҳозирда махсус техникалар ва соҳа мутахассислари билан биргаликда дамбани мустаҳкамлаш ишлари олиб борилмоқда”, — дейилади хабарда.
