“Ташкент Индекс”даги талабалар чиқариб юборилаётгани айтилди
Ҳолат юзасидан вазирлик муноаабат билдирди.
Ижтимоий тармоқда “Ташкент Индекс”даги талабалар мажбуран чиқариб юборилаётгани ҳақида хабар тарқалди. Ҳолат юзасидан Олий таълим, фан ва инновациялар вазирлиги расмий муносабат билдирди.
Қайд этилишича, талабаларнинг олий таълим муассасалари томонидан ётоқхоналарга кўчирилаётгани ижтимоий тармоқларда нотўғри талқин қилинмоқда.
Жорий ўқув йили бошида “Ташкент Индекс” савдо мажмуасида талабалар вақтинча туришлари учун шароит яратилган эди. Ўтган давр мобайнида аксарият олий таълим муассасалари томонидан талабалар турар жойларида қўшимча ётоқ ўринлари яратилиб, кўчиш истагини билдирган талабалар кўчириб ўтказилди. Шу кунларда эса совуқ ҳаво ҳароратида мажмуа етарли шароитга эга эмаслиги боис, кўчириш ишлари олий ўқув юртлари талабалар турар жойларида кўпроқ қўшимча бўш ўринлари яратилиши, аксариятида янги ётоқхоналар барпо этилиши ҳисобига янада жадаллашди.
“Бунда “Ташкент Индекс”да қолишни хоҳловчи талабаларни мажбуран чиқариб юборилишига йўл қўйилмайди”, - дейилади хабарда.
