Анталияда гольф тўпи катталигида дўл ёғди

 

Туркия жанубидаги машҳур Анталия провинциясида дўл аралаш қор ёғди. Натижада йўллардаги ҳаракат қисқа муддатга фалажланиб қолди.

 

Гап шундаки, дўл гольф коптоги катталигида бўлган ва автомобиль эгаларини бензин қуйиш шаҳобчалари ёки ерости тураргоҳларига бекинишга мажбур қилган.

 

Қор эса йўлларда тирбандлик юзага келишига сабаб бўлди.

 

Ўтган ҳафтада Анталиянинг айрим шаҳарлари кучли ёмғирдан азият чеккан эди.