Тўрақўрғон ИЭС тўлиқ қувватда ишлай бошлади
Бу ерда водий аҳолиси учун электр энергияси ишлаб чиқарилади.
Наманган вилоятидаги Тўрақўрғон иссиқлик электр станцияси тўлиқ қувват билан ишлашни бошлади. Бу ҳақда Энергетика вазирлиги хабар берди.
Қайд этилишича, ҳозирда станциядаги буғ-газ қурилмалар тўлиқ қувват билан ишлаб, тармоққа 920 МВт узатмоқда.
Ушбу станция Фарғона водийси аҳолиси, ижтимоий соҳа объектлари ҳамда иқтисодиёт тармоқларини электр энергиясига бўлган эҳтиёжининг салмоқли қисмини қоплаб беради.
