Британия Россияга қарши навбатдаги санкцияларни жорий қилди
Кремль элитаси “қора рўйхат”га киритилган.
Британия Кремль элитаси ва Россиянинг ҳарбий ишлаб чиқариш билан боғлиқ компанияларига санкцияларнинг янги пакетини жорий қилди.
Чекловлар Украинада уруш олиб бориш учун ҳарбий техника, хусусан, учувчисиз самолётлар етказиб берувчи олтита ташкилотга, шунингдек, ҳарбий амалиётларни молиялаштириш билан боғлиқ саккиз нафар жисмоний ва бир юридик шахсга тегишли.
Умумий ҳисобда Украинада уруш бошланганидан бери Буюк Британия Россиянинг 1,3 мингдан ортиқ юридик ва жисмоний шахсларига қарши санкциялар киритди.
Эслатиб ўтамиз, 8 февраль куни Украина Президенти Владимир Зеленский Лондонга ташриф буюриб, у ерда Буюк Британия Бош вазири Риши Сунак билан музокара ўтказди. Британия ҳукумати раҳбари Украина ҳарбийларини тайёрлаш ва Киевга узоқ масофали қуролларни етказиб бериш бўйича кенгайтирилган дастурни эълон қилиши кутилмоқда.
