Водийда «заправкалар» яна ёпиладими?
Вазирлик ижтимоий тармоқда тарқалган хабарларга изоҳ берди.
Ижтимоий тармоқларда водий вилоятларидаги автомобилларга газ тўлдириш компрессор шохобчалари фаолияти вақтинча тўхтатилиши ҳақида хабарлар тарқалди. Ҳолат юзасидан Энергетика вазирлиги расмий маълумот берди.
Маълум қилинишича, ушбу хабарлар ҳеч қандай асосга эга эмас. Республика бўйича, хусусан, водий вилоятларидаги АГТКШлари фаолияти маҳаллий ҳокимликлар билан келишилган жадвалларга асосан давом этади.
“Ўз навбатида, ижтимоий тармоқ вакилларидан бу каби асоссиз ва тасдиқланмаган хабарларни тарқатмасликларини сўраймиз”, — дейилади хабарда.
