ДХХ Telegram каналлари орқали наркотика сотган 20 нафар шахсни қўлга олди
Канал администратори ҳар бир топшириқ учун уларга 300-500 АҚШ доллари миқдорида пул берган.
Юнусободда яшовчи фуқарони овлоқ жойда дўппослаган 3 нафар шахс ДХХ томонидан ушланган.
Аниқланишича, безорилик содир этган шахслар ва жабр кўрган фуқаро ҳам аслида Telegram мессенжерида гиёҳвандлик воситалари савдоси билан шуғулланувчи канал аъзоси бўлишган.
Яъни, жабрланган фуқаро канал администратори топшириғига кўра, муқаддам белгиланган жойга яшириб кетилган наркотикни харидорларга етказиб бериш ўрнига уни ўзбошимчалик билан ўзлаштириб олган.
Ҳозирга қадар бу каби эгасини алдаб, наркотикларни ўзлаштириб олган кўплаб «закладчик»лар жазолаш билан шуғулланувчи 17 нафар шахслар томонидан аёвсиз калтакланган ва бу жараёнлар тасвирга олиниб, топшириқ бажарилгани ҳисоботи тариқасида каналга жойлаштирилган. Канал администратори ҳар бир топшириқ учун уларга 300-500 АҚШ доллари миқдорида пул берган.
