Тошкентда жамоат транспорти тарифлари ўзгаради
Автобусдан метрога ёки метродан автобусга ўтишда тариф 30 фоизгача арзонлашиши кутилмоқда.
Тошкент шаҳрида жамоат транспортида вақтга бириктирилган дифференсиал тариф режалари жорий этилиши (2023-йил 1-майдан) кутилмоқда. Бунда:
➖ бир марталик тўлов, агар нақд бўлса, 2000 сўм, электрон тўловда эса 1800 сўм бўлиши режалаштирилмоқда;
➖ бир соат ичида автобусдан автобусга биринчи марта ўтиш 70 фоизгача арзонлашади;
➖ иккинчи ва кейинги ўтишлар йўловчи учун бепул бўлади;
➖ автобусдан метрога ёки метродан автобусга ўтишда тариф 30 фоизгача арзонлашади.
Жамоат транспортидан кунлик фаол фойдаланувчилар учун бир кунлик лимициз тарифлар (6 минг сўм) жорий этилади.
Бундан ташқари 5, 10, 15, 20 кунлик ҳамда 1 ойлик қисқа муддатли тарифлар (автобус, автобус+метро) жорий этилиши кўзда тутилган.
